خلاصة بحثي عن انماط التعلم

في هذي الآونه كثير عندهم اختبارات قلت انزل هذا المقال لعله يفيدكم

بالبدايه انماط التعلم هي : كيف الطريقة الي تساعدك تحفظ وتفهم المعلومه بشكل اسرع وفيه عدة انماط وممكن تكون خليط من بين احدها

اولا النمط البصري

النمط البصري يعكس حبك للرسومات للالوان تحب تخطط بهايلايت او تلخص بشكل ملون تحب خرايط المفاهيم ، الصور

المتعلم البصري يحب يشوف بعينه حتى يقدر يخزن المعلومه، غالبا يكون يحب الرسم او الفن ، يتعلم بالرسوم البيانيه او الرسوم التوضيحيه ، له ذاكرة قويه ويتذكر وجوه الاشخاص اكثر من اسمائهم ، يحب يخربش او يرسم لما يتعلم .

ثانيا النمط السمعي

النمط السمعي لما تحب تقرا بصوت عالي او تشرح لاحد تحس انه المعلومه ترسخ اكثر ، عادي عندك تسمع بودكاست مو مهم تشوفه

المتعلم السمعي ينجذب للاصوات وعنده اذن سماعه لو يقرا قرآن راح تلقاه يطبق احكام التجويد ، هو مستمع جيد وفي الغالب متحدث جيد ايضا .

ثالثا النمط الحركي

لما تحب تمشي وانت تذاكر او تحب التجارب او التطبيق بالتاكيد انك نمط حركي

يحب يتعلم باللمس او الحركة ، يتعلم اكثر لو سوا تجارب او الحصص الي تكون بالمعمل .

رابعا نمط القراءه والكتابه

يحب يلخص او يسوي فلاش كاردز يدونون ملاحظات مفصله المعلومات عنده تثبت لو كتبها يحبون الكويرات

كذا نهاية المقال اتمنى افدتكم ..